++ sa ++: 旅行

Thai Trip 14-15May

Fri, 13 Jun 2008 04:34:50 GMT

由於已經hea咗响chanthaiburni幾日, 今日返bkk, 重唔快手快腳咩

未走時, 响hotel影返幾張靚相先, 隻貓係有3隻小朋友架, 好得意

佢地可以响草地玩, 真係好開心呀~

坐車出去真係要30mins, 中途, 見到榴槤, 芒果, 紅毛丹, 大樹菠蘿既樹

乜d榴槤樹真係咁高重有咁多响上面架??

Chanthaiburni 既LOGO係RABBIT, 所以路邊都有~

又係4hr既車, 今次有埋汽水同小食, 唔怪得貴返dd la

出到bkk, 要坐返bts返hotel, 係另一間房, wah 先發現, 係wor, 有free wifi

咁我又heaheahea 下再出去, 打算去買阿ma要既野, 再去night bazzar

點知, 落大雨, 我行咗幾間都搵唔到阿ma要既野

最後買咗唔係佢要既color就算law

night bazzar, 下次再來搵你la, 落雨ma~

最後的晚餐, 係响paragon 既food court買咗d 野食返去hotel 開餐

同埋上下wifi咁la

15/5 係好忙既, 因為我重有big c 未去

今早立即check out去big c, 打算1點返hotel就去airport

點知行咗好耐, 又pack咗好耐

好彩, 坐到的士, 重問佢想唔想去埋airport

佢話ok, 我咪叫佢去hotel之後送埋我去airport

個driver 原來係thailand born chinese, 少少國語, 少少英文, 再加我少少泰文

咁就講野成程, 都算係一個最後的美好回憶la

Thai Trip 13May

Thu, 12 Jun 2008 08:19:26 GMT

响大風雨之後, 真係會有天晴架

琴日做按摩時個人問我明天做乜, 我話去沙灘

我諗住, 落雨都行去睇下ma, 但我估唔到, 真係會有好天氣我可以去law

咁我11點幾出發, 帶晒食物同水, mp3, 相機... 打算去4hr

我去到lobby問酒店人借單車, 係, 佢地係冇收我錢, 求其搵架比我用

問咗點去, 我咪出發la

架單車好高, 同埋我計計下都應該成10年冇玩過, 再加埋lee架係有波嗰隻

我真係唔太識用, 踏得不太好

出咗酒店轉右上斜, 之後就會到架la

wah 真係1km 路程only, 早知連單車都唔借la

一望無際既海, 真係好開心, 雖然好大浪冇得落水游, 响度hea下踢下水都好呀

右手邊只係有一家泰國人, 全長唔知幾多km既沙灘就係得咁多人law

過咗半小時, lee家人都走埋, 我又霸咗成個沙灘, hahaha

可能係咁, 一個人吸晒d陽光, 唔夠2hr我搽了4次太陽油

但都覺得太過頂唔順, 同埋水都差唔多飲完, 好la, 我走返去hotel hea la

沙灘傍係d小食店, 但只係得d員工, 所以, 我都係行個圈算

點知行完一個圈呢, 開始唔舒服想暈咁

大鑊la, 似中暑咁

我咪快d 走la, 但每踏一步都好辛苦

我上緊斜路時, 已經真係唔得同埋飲晒d水la

我望望左邊有間平房, 有個男人响出面望住我, 有個阿婆响裡面

咁我就指住枝水問佢有冇水比我

佢話有 (記住, 大家係做手語咁架)

我咪立即單車 (連埋銀包....) 都唔理放响路邊算, 跑過去la

個阿婆立即開風扇比我吹下

重同我講野, 但我只係識同佢講"咪溝仔" (中文即不明白)

佢最後重笑我只係識lee句

咁我只好扮勁話佢知我住响faisai hotel

之後, 個男人拎咗枝水放入佢部水機比我飲

飲咗幾口真係好咗好多

然後先諗起, 係wor, 佢d 水唔係watson's, 冇牌子, 都唔知會唔會係井水嗰d

佢地飲到, 但我飲完可能會肚痛架ma

咁我立即唔敢再飲, 只係用來洗一洗再清醒一下la

最後, 我同佢地say thank you, 阿婆重想叫個男人陪我返hotel

唔駛la, 唔夠1km, 現在應該頂到既

返到hotel, 立即放低架單車返屋la, 真係要休息下先得架la

個人走來想同我講野我都冇理到佢, 真係驚又再頂唔到

但途中忍不住影咗幾張菇相

响房hea 到傍晚, 又再去做msg la, 今次試咗嗰d 藥包poppopop

真係好舒服, 之後佢話做埋sunna 會好d, 咁我又試下la

係thai style 既, 用d 藥煲而keep住有好多水氣咁

之後, 佢話lee d 係for d 人唔要bb 時都係咁做, 真係激死~

晚上, 又再room service, 又再大風雨, 又再停電, 但冇咁勁

又再捉飛蟻~

Thai Trip 12May

Tue, 10 Jun 2008 04:56:55 GMT

話說之前嗰日就同個做按摩既人講開, 佢話另外兩個遊客會出Chanthaiburni

今日就一早起身準備跟車出車出去la

酒店叫我9點左右, 當然我就9點到lobby la

但原來嗰兩位重食緊早餐, 我咪行下睇下咁先law

睇下d 貓仔la, 望下d 死飛蟻 (勁多, 勁恐怖)

出發la, 除咗我, 同兩個遊客外, 琴日按摩嗰位又出, 重有司機同兩個小女孩

原來, 成酒店英文最好係lee個女仕, 佢係做按摩, 送room service, 拎行李,

連我地出去, 佢都係做埋導遊, 真係一條龍服務~

行咗成半個鐘, 我地先去到個炮台, 加埋落雨, 我真係唔會行上去d 山坡

再次成為"東亞病夫"

之後, 我地去咗我話想去睇既教堂

一入到去, 又相機又攝影機, 原來係有人响度影婚紗相

同香港嗰d 差唔多la, 不過個新郎套衫係衣不稱身, 大得好緊要, 我真係好想笑

裡面都幾有特色, 主要用木造, 重有一條小小既圓樓梯

之後我地重去咗幾間廟

先發覺我地既導遊英文始終都有限, 所以我反而去到講解比兩位遊客知

佢地原來係來由澳洲, 今日就走, 之後去英國, 再會來香港

我地已經交換晒聯絡, 希望佢來香港時可以帶佢地去行下睇下

12點左右, 佢地去咗坐車後, 我再去咗1-2間廟

咁冇野去la, 就去行埋個gems market, 點知冇野睇

只係搵到我鍾意食既小食, 都好, 因為成朝早都冇食過野

最後, 咪叫佢車我去lotus, 嗰兩個小女孩重開心過我

去到la, shop返少少野食, 順手買咗kfc 當lunch / tea返去食

重有魚手指食添, 好味~

2:30已經返到hotel, 又繼續食, hea, sleep, 睇電視

hea 响度時發現carol send 咗msg 比我, 話四川地震, 真係又有大件事發生, 唉!

等到6pm去做msg再叫個room service la

等等下, wah~ 勁大風雨, 然後, 重停埋電

平時拎電筒去旅行都冇乜用既地方, 今次真係用得著

開咗自己嗰枝, 開埋hotel 嗰枝, 再開埋部電話既燈

光返d law, 但真係幾恐怖, 一個人响一間屋仔裡面

重有, 當兩個遊客走時, 我係睇過, 今日起, lee日hotel 裡面係得我一個客

你話係咪恐怖

點知, 驚驚下時, 重諗起, 四川地震到連bkk 都feel 到

死.... 我响海邊wor, 會唔會海嘯????

咁我可以點算.....

最後, 我覺得我行出去又死, 响裡面都會死, 我決定hea 响度算

好彩約15mins後有返電

之後room service 都到, 佢地响大風雨下都拎來, 真係有d 感動~

食完之後, wah 開始好多飛蟻, 甲蟲走入來

要捉晒打晒先可以瞓law

真係未試過....

Thai Trip 11May

Wed, 28 May 2008 07:24:09 GMT

好la, 終於開始新既一日

响沙灘傍邊, 當然係想去架la

但無奈落雨

咁hea到11點, 都要出去問下有冇攪作

(因為重未知點可以打去問, 同埋, 怕佢唔明)

咁我地又英又泰又手語咁溝通咗

最後, 知道出既city呢, 都冇可能可以drive scooter

又唔會有車出去, 除咗自己book車

而去呢, 又要千幾2千bahts

唉~

好彩最後, 佢話我知下午响8km以外既沙灘有fruit fest

唔知有乜攪, 但都好過冇la

咁我就plan咗drive scooter去

咪叫咗個lunch 食完再去law

點知, 食完lunch, 雨就越落越大

咁scooter定bike都好, 都死la, 重要8km

我咪自己行出hotel睇下四週有乜算

咁hotel既人好好, 見我行出去, 但又冇傘(我係以我自己帶咗law)

佢地立即拎把傘比我

我咪行la

跟佢地講係出去向右行, 就再去city/ 沙灘

咁我咪去嗰邊睇下la

點知行咗15mins, 附近只係見到有一間士多

冇人冇物, 咁真係重衰過當年去koh chang咁, 因為我去得更多日子

我想去間士多買下小食, 因為冇晒糧餉

點知, 裡面只係買油買米嗰隻

唉~ 我都係返hotel瞓同睇電視la

等到5pm去做spa

原來個spa就响swimming pool隔離

個清潔工見到我就叫我行過去

吓, 連佢都知我去做spa ?

去到, 見到琴晚見到响餐廳食野既老外夫婦

佢地應該做完spa la

咁我入去

呀~ 乜又係幫我拎行李/送room service 嗰位女仕幫我做spa???

佢開始前重合實祈禱, 好似好prof 咁wor

好彩做既野真係唔差

而佢應該係間hotel 裡面最識英文既人

最後佢問我, 明天去邊呀

我話我想出city

佢話armarm嗰對夫婦會出去, 我可以join埋

wah~真係太好, 起碼可以share返dd錢ma

做完spa後, 我立即去book同埋又係叫room service la

响房等食dinner時勁睇電視

咁佢地送room service來時, 一開會就衝入來

原來係因為我開晒d 燈, 包括出面既燈, 攪到好多飛蟻响出面

佢地要立即拎d 野食入屋同埋要熄返d 燈先

咁我當然有熄la

之後重聽到佢地拎吸塵機去吸d 飛蟻

而屋內都有d, 不過係冇晒wings, 好快就死, 所以我都冇乜理到

Thai Trip 10May

Tue, 27 May 2008 04:23:23 GMT

10/5 係sat, 有人問我重乜唔想stay bkk但都hea兩日都唔去第2度

為既, 係為咗去mo chit 嗰邊既weekend market

由於今日我都要坐4hr車去chanthaiburni, 所以要早少少行動

同埋, 其實去呢, 又冇乜特別野想買, 所以都係望下咁, 睇下有冇乜寶物搵到

endup, 搵咗幾件tee

發現佢地都好興d情侶裝, 所以都買咗1-2pair 做手送

佢地d 創意真係好得

雖然好多時都似係老翻多, 但真係估佢唔到

想知係乜, 問我呀~

之後就立即返hotel攞行李去車站

164bahts可以坐4hr 真係好平, 重要係冷氣巴士

等巴士時, 去咗7-11買coke同腸仔食, 自己既糧餉都已經清晒咁la

wah, 估唔到4hr真係冇得去toilet

但攪笑就係重要有movie播

係Rambo, 重要2集

我都睇咗好多, haha

7:15pm終於去到Chanthaiburni

我都搵唔到中文係乜, 不過見附近真係唔係一個大城市, 但算ok

天未黑, 當然立即搵車去hotel la

由於我搵既hotel 比較遠, 相距32km, 真係要快手d 未入黑時入去

有司機來問la, 我由300bahts講到250bahts (重貴過4hr 巴士)

不過冇得再擇, 一來太遠, 二來就快天黑

間hotel 叫faisai, 之後先諗返起, 係泰文來架, 應該叫"藍天"

個"拉客"既都立即知邊間, 咁咪跟個司機車la

點解坐咁耐, 好似過咗自己要去嗰個地方?

too bad 原來個司機唔知响邊, 以為响另一個地方

停咗2次車問路

中途經過既地方真係街燈都冇乜

我真係有d 驚, 死la, 去緊邊? 會唔會响度打劫?

個司機唔打我, 都可能會有其他人走出來wor...

响1hr既路途中我就係諗住lee d 野...

個司機又以為我識聽, 不停咁講, 最後又加返我價做300bahts

算la, 攪咗成個鐘

8:15pm我終於搵到hotel, 重要係我有份睇路牌先搵到

入到去, 個人立即問我叫乜名

我話" salome " 佢就知我住邊間屋仔

我望一望佢傍邊個塊broad仔

原來寫住咗5月份既客人名單

當中得兩個英文名: Andy, Salome

其他係約6-7個泰文名

wah, 咁少人既~ 可能真係太遠卦~

其實去到hotel都已經好肚餓

入到屋, 我立即問人有冇room service la

天黑, 我都唔想再行返出來餐廳食, 加埋又有蚊呢

佢地話有, 立即比本野我睇

咁我好開心la, 咪睇下食乜呢

點知~~~

冇電話架, 個last order時間係830

咪立即跑返出去, 親自落order

好彩都有得食

等咗d時間, 有人來la

佢地重放晒d 野食响屋外既枱比我食

wah, 黑mama一個人, 重自己坐出去咩

立即叫佢地搬入屋食law

真係辛苦晒~

ITA

Sun, 25 May 2008 14:54:48 GMT

早前因KELVIN同CAROL既原故, 去咗ITA 做咗個訪問

大家有興趣去LEE條LINK聽返:

http://www.itahk.net/new/index.php?type=radio

第30集-美食之旅

近年電視台製作了很多集觀光和美食於一身的旅遊節目、旅行社亦推出愈來愈多的美食團，民以食為天的香港人到外地旅遊一定不會放過一嚐當地地道佳餚的機會。
今集的嘉賓是也一位「為食之人」，專程走到法國里昂一家連續40年獲得米芝蓮3星的餐廳，除了品嚐價值不菲的極品黑松露菌釀布列斯雞外，還跟國寶級的廚師Chef Paul Bocuse影相及拍照。經驗認真難忘！

第一節

第二節

第31集-歐洲購物地圖

告訴朋友知你將會去歐洲旅行，你估最多人的回覆是什麼呢??
其中的個答案一定係 .... 幫我去邊度買個手袋啦！
歐洲的吸引力除了有漂亮的教堂和宏偉的古堡外，還有各大名牌名店的「總壇」，旅遊觀光之餘，也順便朝聖一番。
今集的3位嘉賓就笑談了他們在歐洲名店購物的經驗，究竟他們有無被「白鴒眼」?有無試過「走水貨」? 幾時係減價季節? 點樣退稅? 若果你都是「購物狂」，一定聽得相當興奮！

第一節

第二節

Thai Trip 08-09May

Sun, 25 May 2008 14:45:46 GMT

8號晚飛, 坐皇家約旦, 係T2 CHECK IN

好在CAROL 叫我早D 去, 所以先有多D 時間行去

好多人話, 坐中東機, 唔怕D 味呀?

我就唔太怕, 加上之前坐呢, 都唔覺有味

今次有LAW, 不過, 係個老外响咁潮濕既香港攪到既汗臭

冇得怪係中東人LA

如果唔係一個人去, 就真係咪坐D SHUTTLE BUS

一個人要150BAHT, 坐TAXI 都係300左右

好彩我間HOTEL 就近巴士站, 如果再要轉車就真係死得

去到SALADAENG, 第1時間要做兩樣野先::

1.BOOTS 買日用品

2. 7-11買早餐

Boots 個SALES 重好好, 我問點去HOTEL 佢重打去問, 再寫清楚比我知點行去

去到HOTEL先知, 話唔可以用張COUPON

真係覺得被騙

間HOTEL 都真係幾細架

第2日, 目標係去The Vimanmek Palace

坐咗好耐TAXI去

點知, 去到門口要落車, 先知, 今日CLOSE, NO REASON

門口就係咁~

好彩附近都見到有D 其他野, 咁都行去望下咁LA

路邊既荷花

路過既動物園外圍

有人响度抗議, 但唔好問我乜事

最後係去咗LEE個MUSEUM睇皇家既寶物

LEE個展覽係2MAY 先開始架, 本來都冇打算去睇

雖然個入場費貴過個PALACE 好多, 重要買條"SALON"包住先可以入去

但真係值得

真係估唔到泰國都有咁多瑰寶

重有係, 有D 野係要用D 甲蟲WING整

WAH 成千上萬既, 重要係天然死既先可以用

真係好考手工

睇完之後, 去咗SIAM PARAGON FOOD COURT 食LUNCH

覺得好似差咗, 但我去到嗰邊, 食乜都唔太有所謂, 又唔會話要去試乜野食

都係E肚咁LA

推介: 海南雞飯 (泰文- 溝汶雞(高音))

由於打算之後先買野, 今日就行下咁, 同埋想去睇戲

上到PARAGON, 有隻大免仔

之後去咗睇IMAX 3D - SEA MONSTER

睇前要唱國歌, 真係覺得泰國人好愛自己既國家

部戲都幾悶, 我中途真係瞓咗兩下

隔離個女人重攪到瞓著咗好耐 (因為我聽到聲)

晚上去南星, 本來都想搵返個朋友, 點知搵唔到

一個人食LAW, 又好似差咗D

食後, 去咗對面做MSG

今次LEE個識英文, 都幾好傾

都幾開心呢

做完重响街邊搵到我鍾意既小食, 一直唔知叫乜名

LEE次係大SIZE 既

都OK呀~

但竟然响HOTEL 比人話我之前嗰晚個TV 好嘈WOR

唔好話間HOTEL 既隔音差!!!

Preparation of the trip - Hotel booking

Sun, 18 May 2008 17:16:08 GMT

最後一步, 就係要BOOK酒店

Chanthaburni既酒店不多, 我希望住海邊同埋係屋仔, 唔好住APARTMENT

所以搵咗响Tha Mai 再過少少既Faa Sai Resort & Spa

遠D, 但幾靚, 以我既BUDGET, 重可以住到間唔差既房

上網去咗D BOOK HOTEL 網BOOK咗, 重立即OK

真估唔到LAW, 因為已經係2WKS 內既事, 幾驚已經FULL咗

咁到Bangkok, 我就去THAILANDFANS 睇下有冇平靚正介紹LA

咁睇中間INN SALADAENG

响SALADAENG BTS / SILOM MRT行過去, 好方便

重要有多5% DISCOUNT

咁SEND EMAIL去BOOK LA

其實BOOK時都已經係1WK之前既事, 所以我都預咗PLAN B

咁我地EMAIL 聯絡到飛之前一個FRIDAY, 最後我咗CREDIT CAR資料LA

但到TUESADAY 4點都未有REPLY

死LA, 係咪假架?

咪打去問下LA

打到去, 個人話會BOOK, 之後會再SEND EMAIL CONFIRM WOR

咁响2日前攪得掂, 都好LA

點知, 嗰晚, 我成3點先CHECK EMAIL

見到HOTEL 响8PM SEND 來話9號冇房WOR, 問我係咪只係要14號

但電話裡面又話OK晒WOR, 我咪又REPLY佢問下LAW

WEDNESDAY 4點, 又係冇REPLY

又要再打去WOR, 今次有個華僑答, 至少同佢講國語佢明多D

佢話OK架LA

咁我終於都放心LA

為免佢以為有1個人打去BOOK, 另1個又EMAIL去BOOK

最後以為我冇出現而要扣我錢, 我都要補返個EMAIL同佢講LA

但竟然係, 8號7點先覆, 而我9點飛LAW

我都係返來CHECK EMAIL先知

真係下次都咪住LEE間, BOOK到咁麻煩

明明我EMAIL BOOK咗先架MA, 但佢LATE REPLY

咁就比咗間房打電話去BOOK既同一個我

真係有問題LAW

所以我飛前, 都PRINT定PLAN B 嗰間HOTEL 既資料

萬一真係冇房, 立即去嗰間架LA

Preparation of the trip

Sun, 18 May 2008 13:29:12 GMT

唔夠一個月時間前, 決定最終都係去THAI去清咗我要放既假期

本來, 之前CX 有好多平OFFER, 我都問咗好耐有冇人去下邊度玩

ENDUP都冇

冇所謂LA, 一個人都可以繼續去下THAI

第1件事, 就係搵AIR TICKET

上ZUJI, 上SMARTV睇過

時間都唔錯又平既, 係新既ROYAL JORDANIAN

連TAX HKD1500, 重要得加ASIA MILES

晚去(又唔得晚) 午返(又唔得早)

上佢既WEBSITE 就買咗LA

第2件事, 咪睇下去邊度好LA

去過既, 又唔想再去

經過手術, 又唔想去勁晒WOR (查實係想)

同埋LEE D 時間已經雨季呢

最後2星期終於決定去Chanthaburni

唔好問我中文叫乜, 因為冇乜人去到連資料都搵唔到

係知佢响東部, 要坐4HRS 車去, 比法國統治過, 有山有海有榴槤...

1月台灣之旅

Fri, 14 Mar 2008 04:33:29 GMT

住嗰間HIP HOTEL個LOGO LA, 係咪好HIP 呢

大堂裡面重有好多畫, 包括一PART係PARIS LA

房呢, 係靚架, 但十級細, 立即諗起日本嗰D酒店房間

第1站係去見一見識咗成5年既舊同事, 加加一家3口子, 我地一直都係MSN 聯絡,

難得來台, 點都要見一見面LA

酒店附近係有鼎泰豐架, 隔離就賣DONUT, 好靚, 好CUTE

由於新年之前, 101有個福字LA, 重有附近既三越都好靚

上到九份,難得影到一張靚景

去浸暖泉, 好彩冇出事LA

有冇人識讀呀?

去到西門町, ARMARM又有金馬奬同長江七號既宣傳, 一個字, 嘈~

咁附近有個招財貓都好大隻

去誠品買書LA, 太多想買LA, 忍手買咗幾本啫, 但最忍手係冇買LEE SET 野比CAROL

我諗, 等CAROL 有間大大大大大屋就可以放响度做DECORATION

到美食LA, 九份上的麥芽糖, 靚

經Angel 介紹, 我地係去咗食火爐, 好飽呀

早上响酒店附近食早餐, 都唔錯WOR

但講到最好食, 我覺得係鴨肉扁

同埋永康牛肉麵, 正正正~

走LA, 去到機場, 唔想再食D差唔多既野, 都係試下個BURGER KING同HK既冇唔同先

睇住佢整既, HK 係冇LEE隻, 不過都可以加菜做到一樣既

LAST 要去KITTY 餵奶室影返張相, 同DANIEL 一齊食手指LA